港。故事 Chloe Lam

講番起成立RMIT HKSA，本身純粹係因為係Melbourne同Sydney既好幾間大學都有自己既香港學生會，而RMIT就一直都無。Chloe就覺得係時候同好應該比係RMIT既香港人一個機會認識大家，所以就係2014年成立左RMIT HKSA。一開始，HKSA只係一個平台比係RMIT既學生透過我地舉辦既活動識番多啲同聲同氣既朋友仔。但經過同係Melbourne既其他HKSA溝通同接收到佢地既意見之後，RMIT HKSA漸漸變成左係Melbourne學生會中不可或缺既一部分。由一間寂寂無名既小型學生會做到衣家已經有幾百個Members既RMIT HKSA，對Chloe黎講，已經係非常值得驕傲既一件事！ 諗番起一開始由我帶領既Executives成員其實只係淨係識左2個鐘，但我地就一齊做野做左2年，到衣家都覺得不可置信。成立衣一整個HKSA，係入面做既每一件事，舉辦既每一個活動，都係一個非常好既經歷，多謝佢令我既大學生涯有不一樣既體驗。見住每一個學生都可以受惠於RMIT HKSA，識到好多朋友，Chloe都覺得好安慰，頓時覺得付出既一切都非常值得。當然衣家係Melburne既HKSA都會繼續努力，同大家一齊成長，只要簡單甘成為Members，Committee或者Sponsor都可以幫到我地好多好多，所以記得無論你係邊到，都要好好甘支持我地HKSA啦！